ibram müvəqqəti yaşamaq üçün Misirə köçdü, çünki aclıq çox güclü idi. 11 Misirə çataçatda o, arvadı Saraya dedi: «Qulaq as, gör nə deyirəm. Sən gözəl qadınsan. 12 Misirlilər səni görüb “bu, onun arvadıdır” deyəcəklər. Onda məni öldürəcək, səni isə sağ saxlayacaqlar. 13 Bəlkə, sən deyəsən ki, mənim bacımsan, onda sənin sayəndə başım salamat olar, sağ qalaram».
14 ibram Misirə ayaq basar-basmaz arvadının gözəlliyi misirlilərin diqqətini cəlb elədi. 15 Fironun əyanları da qadını gördülər və gedib onu firona tərifləməyə başladılar. Qadını fironun sarayına apardılar. 16 Onun xatirinə firon ibramla yaxşı rəftar etdi, ibram çoxlu qoyun-keçi, mal-qara, eşşək, dəvə, qul-qarabaş sahibi oldu. 17 Ancaq Yehova ibramın arvadı Saraya görə fironun və onun evindəkilərin başına böyük bəlalar gətirdi. 18 Belə olanda, firon ibramı çağırıb dedi: «Bu nə işdir mənim başıma açmısan? Niyə demirdin ki, o, sənin arvadındır? 19 Nə üçün deyirdin ki, bacındır? Az qala onu özümə arvad etmişdim. Al, bu arvadın, bu da sən. Götür, çıx get!» 20 Sonra firon adamlarına ibram barədə göstəriş verdi. ibram arvadını, qullarını və sahib olduğu hər şeyi götürüb fironun adamlarının müşayiətilə ölkədən çıxdı.
mənbə
